| 看了玩轉身前事
聽個名,好似一個笑片咁
睇poster,唔留意的話都唔知係咩野黎
但,開場既幾句說話就已經能令人對這一套電影改觀
已經有頗長時間未欣賞過一套會教人有反思,有感觸,甚至落淚既電影
人生既意義究竟係邊到?
人生屬於自己,每人都掌管著自己既人生。因此每個人對人生意義既睇法都唔一樣。
因為沒有model answer,就沒有對與錯。
人生位變幻無常,身邊事情既變化亦可能會令人對人生意義產生變化。
人生意義各人不同,但終究需要既大至上都差不多。
都是一份愛。
所以我興幸自己係短暫生命中遇上阿珊。我為此而掉下眼淚。
|
| |
|
男兒一生要經過世上磨練共多少
男兒一生要幾次做到失落與心焦
我有無邊毅力捱盡困難考驗 立折披荊斬棘心裡
更願永不折腰
大丈夫一生要經過困難（世上）磨練共多少
大丈夫一生要幾次落魄失望與心焦
冷雨狂風歷盡人格更光耀 立地頂天男子心裡磊落不折腰 |
| |
| 今日去左港會踢波。
阿wa同我俾阿sir捉左埋一邊練推右走左落底出波。
加埋踢左至少30次。
未踢波已練到腳軟
今日又俾殷仔撞左一下
我唔知佢係左邊衝緊過黎
一傳完波就俾二百幾磅既大隻男撞到人仰馬番
成個人跌落地轉左個圈
之後有成5-10秒透唔到氣。
真係死俾你睇。
|
| |
| 今日同老豆一齊去送太姑婆最後一程。
人生七十古來稀。佢今年都有102歲,其實係一件喜事,場入面都冇人太傷心。
我老豆細細個就俾佢湊大。都有十多年時間。
但我都係同老豆去探過佢一次。
今日,仲係我第一次見到我既阿"女麻"。
佢見到我都眼濕濕咁。
老豆屋企既事我都很少過問。
知道阿爺出家,之後就冇野知。
我同老豆上香俾太姑婆時,佢眼都紅得幾勁。
見到好多親戚,全都係十多年冇見過。
就算之前見過,都係一兩面既事。
佢地都好熱情,同佢地傾左個半鍾頭。
但老豆送我返科大,我地大家口中都冇提及過喪禮既事。
就好似大家已得到一個共識,忘記喪禮發生既所有事。
其實我都遺傳了我老豆既性格。
對每一份既感情都十分重視,但卻又被動。
抱著隨緣既心態看待每一份情。
最終,永遠只能成為別人生命中既其中微不足道既一位小角色。
可能就係咁,小學,中學,大學,鄰居,每一位人係每一個階段都分得清清楚楚。
小學既朋友只在小學相處,到中學就沒有再contact。
中學同學只係中學熟絡,到大學大家變得陌生一樣。
我們兩父子,永遠就是這樣。
|
| |
